مری: سیاحوں کی گاڑی میں آگ بھڑک اٹھی، 4 افراد ہلاک اور 10 زخمی

اپ ڈیٹ 10 جون 2026 03:04pm

مری ایکسپریس وے پرایک انتہاائی افسوسناک حادثہ پیش آیا ہے۔ مری کے علاقے ’کھجٹ‘ کے مقام پر اچانک سیاحوں کی وین الٹ گئی اور حادثے کے بعد وین میں آگ بھڑک اٹھی۔

اس حادثے میں 4 افراد کے جاں بحق ہونے کی اطلاعات ہیں اس کے علاوہ 10 افراد زخمی ہوئے ہیں۔ زخمیوں کو پمزاسلام آباد منتقل کیاجارہا ہے

حادثے کے بعد ریسکیو ٹیمیں اور متعلقہ حکام نے فوری طور پر امدادی کارروائیاں شروع کر دیں۔

ترجمان موٹروے پولیس کے مطابق مری ایکسپریس وے پر پیش آنے والے اس حادثے میں آگ لگنے کے باعث جانی نقصان ہوا ہے۔

ترجمان کا کہنا ہے کہ ریسکیو ٹیمیں موقع پر موجود ہیں اور امدادی سرگرمیاں بھرپور انداز میں جاری ہیں۔ متاثرہ افراد کو محفوظ مقام پر منتقل کرنے اور صورتحال پر قابو پانے کے لیے متعلقہ ادارے مشترکہ طور پر کام کر رہے ہیں۔

حکام کے مطابق واقعے کی وجوہات کا تعین کرنے کے لیے تحقیقات کا آغاز کر دیا گیا ہے، جبکہ مزید تفصیلات سامنے آنے پر عوام کو آگاہ کیا جائے گا۔