وفاقی حکومت کی ہفتہ اور اتوار اسمارٹ لاک ڈاؤن کی تجاویز

شائع 29 مارچ 2026 02:55pm

وفاقی حکومت نے ملک میں توانائی اور ایندھن کی بچت کے پیش نظر ہفتے میں دو روزہ سمارٹ لاک ڈاؤن نافذ کرنے کی تجاویز تیار کر لی ہیں۔

ذرائع کے مطابق یہ تجاویز صوبوں، آزادکشمیر اور گلگت بلتستان کی حکومتوں کو بھی ارسال کر دی گئی ہیں۔

تجاویز کے مطابق لاک ڈاؤن ہر ہفتے ہفتہ کی دوپہر 12 بجے سے اتوار کی رات 12 بجے تک نافذ کیا جائے گا۔

اس دوران شادی بیاہ سمیت تمام کمرشل سرگرمیاں معطل رکھنے کی سفارش کی گئی ہے، جبکہ کاروباری مراکز، دفاتر اور دیگر غیر ضروری سرگرمیاں بھی بند رکھنے کی ہدایات شامل ہیں۔

ذرائع کے مطابق صوبوں کی رضامندی کے بعد باضابطہ نوٹیفیکیشن جاری کیا جائے گا۔

ابتدائی طور پر اسمارٹ لاک ڈاؤن کے نفاذ کا آغاز 4 اپریل سے کرنے کی سفارش کی گئی ہے تاکہ صورتحال کو کنٹرول کیا جا سکے۔