وزیر اعظم کا دورہ چین:چین اور پاکستان نے مشترکہ اعلامیہ جاری کر دیا

عوامی جمہوریہ چین اور اسلامی جمہوریہ پاکستان کے درمیان 26 مئی 2026 کو مشترکہ بیان جاری کر دیا گیا۔

مشترکہ بیان کے مطابق عوامی جمہوریہ چین کی ریاستی کونسل کے وزیر اعظم Li Qiang کی دعوت پر وزیراعظم Shehbaz Sharif نے 23 سے 26 مئی 2026 تک چین کا سرکاری دورہ کیا۔

دورے کے دوران چینی صدر Xi Jinping نے وزیراعظم شہباز شریف سے ملاقات کی، جبکہ چینی وزیر اعظم لی کیانگ کے ساتھ بھی تفصیلی مذاکرات ہوئے۔

مشترکہ بیان میں کہا گیا ہے کہ دونوں فریقین نے خوشگوار ماحول میں بات چیت کرتے ہوئے چین پاکستان آل ویدر اسٹریٹجک کوآپریٹو پارٹنرشپ کو مزید گہرا کرنے اور باہمی دلچسپی کے علاقائی و بین الاقوامی امور پر وسیع اتفاق رائے قائم کیا۔

بیان کے مطابق وزیراعظم شہباز شریف نے دونوں ممالک کے درمیان سفارتی تعلقات کے قیام کی 75 ویں سالگرہ کی تقریب میں بھی شرکت کی اور صوبہ Zhejiang کے شہر Hangzhou کا دورہ بھی کیا۔