اسرائیل نے ایران پر حملہ کردیا

شائع 28 فروری 2026 11:39am

اسرائیل نے ایران پر حملہ کردیا ہے جس کے بعد خطے میں کشیدگی میں اضافہ ہو گیا ہے۔ ایرانی دارالحکومت تہران میں زور دار دھماکوں کی آوازیں سنی گئیں اور مختلف علاقوں سے دھواں اٹھتا دیکھا گیا۔

خبر ایجنسیوں کے مطابق تہران کے یونیورسٹی روڈ پر میزائل گرے جبکہ جمہوری ایریا میں بھی دھماکوں کی اطلاعات موصول ہوئی ہیں۔

عینی شاہدین کا کہنا ہے کہ یکے بعد دیگرے کئی دھماکے ہوئے جس سے شہریوں میں خوف و ہراس پھیل گیا۔

ایرانی میڈیا کے مطابق دھماکوں کی نوعیت اور نقصانات کا تعین کیا جا رہا ہے اور فوری طور پر مکمل تفصیلات سامنے نہیں آئیں۔

اسرائیلی وزیر دفاع نے حملے کی تصدیق کرتے ہوئے کہا ہے کہ اسرائیل نے ایران کو نشانہ بنایا ہے۔ تاہم انہوں نے حملے کی وجوہات یا اہداف کی تفصیل فراہم نہیں کی۔

حملے کے فوراً بعد اسرائیل میں بھی خطرے کے سائرن بج اٹھے جس سے ظاہر ہوتا ہے کہ وہاں ممکنہ جوابی کارروائی کے خدشات موجود ہیں۔