کوہاٹ؛ دریائے سندھ کے کنارے سونے کی زمین پر فریقین میں خون ریز تصادم، دو افراد زخمی

پشاور:

کوہاٹ کے علاقے خوشحال گڑھ کمر میں دریائے سندھ کے کنارے سونے کی زمین پر فریقین میں خون ریز تصادم ہوگیا۔

تفصیلات کے مطابق فریقین کے درمیان فائرنگ کے تبادلے میں دو افراد شدید زخمی ہوگئے۔

پولیس کا کہنا ہے کہ صبح پانچ بجے سے فریقین کے درمیان وقفے وقفے سے فائرنگ جاری ہے جس کے باعث علاقے میں حالات کشیدہ ہوگئے۔