وزیرِ مملکت فہد ہارون سے جرمن سفیر کی ملاقات، ڈیجیٹل میڈیا کے رجحانات اور مسائل پر گفتگو

شائع 16 اپريل 2026 04:53pm

پاکستان میں جرمنی کی سفیر اِنا لیپل نے وزیراعظم کے معاونِ خصوصی برائے ڈیجیٹل میڈیا فہد ہارون سے ملاقات کی ہے۔

وزیرِ مملکت فہد ہارون کے ساتھ ملاقات میں جرمن سفیر نے ڈیجیٹل پلیٹ فارمز سے متعلق عالمی رجحانات اور مشترکہ چیلنجز پر گفتگو کی۔ دونوں رہنماؤں نے ڈیجیٹل میڈیا کے شعبے میں تیزی سے بدلتے ہوئے عالمی منظرنامے پر تفصیلی تبادلہ خیال کیا۔

ملاقات میں غلط خبروں اور گمراہ کُن معلومات کے پھیلاؤ کو روکنے، آن لائن تحفظ کو فروغ دینے اور ڈیجیٹل پلیٹ فارمز کے غیر قانونی استعمال کی روک تھام جیسے اہم امور بھی زیرِ بحث آئے۔

دونوں رہنماؤں نے ڈیجیٹل میڈیا کو درپیش مسائل کے حل کے لیے ممکنہ تعاون پر بھی زور دیا۔

اس موقع پر جرمن سفارت خانے کے ہیڈ آف کمیونکیکشن، ثقافتی امور اور پروٹوکول یان جیرالڈ کراوسر بھی موجود تھے۔