فخر زمان اور صائم ایوب آسٹریلیا کیخلاف ون ڈے سیریز سے باہر

پاکستان اور آسٹریلیا کے درمیان ون ڈے سیریز کے لیے فخر زمان اور صائم ایوب کے حوالے سے اپ ڈیٹ جاری کردی گئی۔

پاکستان کرکٹ بورڈ (پی سی بی) کی جانب سے جاری کردہ تفصیلات کے مطابق فخر زمان اور صائم ایوب انجریز کے باعث سلیکشن کے لیے دستیاب نہیں ہوں گے۔

فخر زمان اور صائم ایوب پی سی سی بی میڈیکل اسٹاف کی نگرانی میں ری ہیب کے عمل سے گزر رہے ہیں۔

پی سی بی کی دونوں کرکٹرز کی جلد صحتیابی کے لیے نیک خواہشات ہیں۔

پی سی بی کی جانب سے اسکواڈ اور کھلاڑیوں کی فٹنس کے حوالے سے اپ ڈیٹ جلد جاری کردی جائے گی۔

واضح رہے کہ پاکستان اور آسٹریلیا کے درمیان ون ڈے سیریز کا آغاز 30 مئی سے پنڈی میں ہوگا۔