سب کو مبارک ہو ایران کے ساتھ معاہدہ مکمل ہو گیا، صدر ٹرمپ

---

امریکی صدر ڈونلڈ ٹرمپ نے سماجی رابطے کی ویب سائٹ ٹروتھ سوشل پر کہا ہے کہ اسلامک ری پبلک آف ایران کے ساتھ ڈیل مکمل ہو گئی ہے سب کو مبارک ہو۔

انہوں نے اپنے بیان میں کہا کہ وہ آبنائے ہرمز کو تمام جہازوں کے لیے بغیر کسی رکاوٹ کے کھولنے کی مکمل اجازت دیتے ہیں جبکہ ساتھ ہی امریکا کی جانب سے عائد بحری ناکہ بندی بھی فوری طور پر ختم کرنے کی منظوری دے دی گئی ہے۔

امریکی صدر نے اپنے پیغام میں کہا کہ دنیا بھر کے جہاز اپنے انجن اسٹارٹ کریں تیل کی ترسیل جاری ہونے دیں۔

ان کا کہنا تھا کہ یہ پیش رفت عالمی تجارت، توانائی کی منڈیوں اور خطے میں استحکام کے لیے اہم ثابت ہوگی۔