ریلوے کی قیمتی کاپر اور تانبے کی تاریں چوری کرنے والا ملزم گرفتار

ریلویز پولیس فیصل آباد نے محکمہ ریلوے کی قیمتی الیکٹرک کاپر وائر چوری کرنے والا ملزم کو رنگے ہاتھوں گرفتار کرلیا۔

تفصیلات کے مطابق ملزم عبدالصبور کو ریلوے کی تانبے کی تار (کاپر وائر) چوری کرنے کے الزام میں گرفتار کیا گیا ہے۔

ترجمان ریلویز کے مطابق ملزم کےک قبضے سے چوری شدہ تار برآمد ہوا جس کا وزن 5 کلوگرام اور اس کی مالیت ہزاروں روپے بتائی گئی ہے۔

ملزم کو ریلوے لوکو شیڈ کے قریب سے گرفتار کیا گیا جبکہ ملزم کیخلاف ریلوے پولیس اسٹیشن فیصل آباد میں مقدمہ درج کر کے مزید تفتیش شروع کردی گئی ہے۔