بانی پی ٹی آئی کے وکیل بیرسٹر سلمان صفدر بھی آنکھ کی بیماری کا شکار

اسلام آباد:

بانی پی ٹی آئی عمران خان کے وکیل بیرسٹر سلمان صفدر بھی آنکھ کی بیماری کا شکار ہوگئے۔

ایڈووکیٹ سلمان صفدر نے بیرون ملک معائنے کے لیے اپیلوں کی فوری پیروی سے معذوری ظاہر کر دی۔

ایڈووکیٹ سلمان اکرم راجا نے سلمان صفدر کی طرف سے درخواست پیش کر دی۔ انکا کہنا تھا کہ سلمان صفدر کو آنکھ کی بیماری کا سامنا ہے۔

سلمان اکرم راجا نے سزا معطلی کی درخواستوں کو سننے سے انکار کے خلاف اپیل کے لیے مہلت کی استدعا کر دی۔

عدالت نے آج سلمان صفدر کی کیس ملتوی کرنے کی استدعا منظور کر لی۔